Wirja
Aliaksandr Milinkevich – 2006, il-Belarussja
Bħala mexxej tal-Moviment għal-Libertà – parti mill-oppożizzjoni demokratika fil-Belarussja – Aliaksandr Milinkevich ħadha kontra r-reati tar-reġim Belarussu fil-konfront tad-demokrazija u d-drittijiet tal-bniedem.
Hemm ħafna x'tistgħu tagħmlu! Tistgħu tgħinuna nkissru l-imblokk ta' informazzjoni, inxaqqu l-viżjoni dejqa tad-dinja imposta fuq il-kompatrijotti tiegħi mill-propaganda tal-gvern, noħolqu spazju pubbliku li jinkoraġġixxi djalogu miftuħ fost iċ-ċittadini fejn jiltaqgħu l-awturi indipendenti, l-intellettwali u l-awtoritajiet morali.
Salih Mahmoud Mohamed Osman – 2007, is-Sudan
L-avukat Sudaniż Salih Mahmoud Mohamed Osman jiddefendi lill-vittmi tal-arrest arbitrarju, it-tortura u l-abbuż min-naħa tal-awtoritajiet, minkejja li hu stess kien safa' arrestat.
Ir-rikonoxximent mill-Parlament Ewropew, tal-ħidma tad-difensuri tad-drittijiet tal-bniedem fis-Sudan, jagħtina l-kuraġġ u d-determinazzjoni biex inkomplu nitkellmu f'isem il-vittmi, biex intaffu ftit it-tbatijiet tagħhom.
Hu Jia – 2008, iċ-Ċina
Hu Jia ssogra ħajtu għall-attiviżmu tiegħu, u ġibed l-attenzjoni tad-dinja għall-massakru tal-Pjazza Tiananmen, kwistjonijiet relatati mal-AIDS u l-abbużi tad-drittijiet tal-bniedem fiċ-Ċina.
Biex ngħidilkom is-sewwa, il-kuraġġ xi kultant mhux biżżejjed. Xi drabi, il-prezz mitlub ikun għoli wisq.
Zeng Jinyan
Memorial (Oleg Orlov, Sergei Kovalev u Lyudmila Alexeyeva f'isem Memorial u d-difensuri l-oħra kollha tad-drittijiet tal-bniedem fir-Russja) – 2009, ir-Russja
Imwaqqfa biex tippreserva l-memorja tar-repressjoni tal-massa taħt Stalin, l-assoċjazzjoni Memorial taħdem favur ir-rispett tad-drittijiet tal-bniedem u tipproteġi lill-vittmi tal-abbużi tad-drittijiet tal-bniedem fir-Russja u fil-pajjiżi tal-ex Unjoni Sovjetika.
Il-libertà tal-ħsieb hija l-bażi tal-libertajiet l-oħrajn kollha.
Sergei Kovalev
Guillermo Fariñas – 2010, Kuba
Guillermo Fariñas, ġurnalist u politiku dissidenti li għandu wkoll dottorat fil-psikoloġija, għamel sensiela ta' strajks tal-ġuħ bl-għan ta' bidla politika paċifika u tal-libertà tal-espressjoni f'Kuba.
Aħna l-bidla.
Mohamed Bouazizi – 2011, "Ir-Rebbiegħa Għarbija", it-Tuneżija
Mohamed Bouazizi ta n-nar lilu nnifsu bi protesta kontra l-korruzzjoni tal-gvern u l-qgħad estensiv, u b'dan il-ġest qanqal ir-Rivoluzzjoni tal-Ġiżimin fit-Tuneżija.
Ali Ferzat – 2011, Ir-Rebbiegħa Għarbija, Sirja
Bħala kittieb ta' satiri u karikaturi politiċi, Ali Ferzat imbotta l-konfini tal-libertà tal-espressjoni fis-Sirja permezz ta' xogħlu, li jikkritika lir-reġim u lill-forzi tas-sigurtà li tant iqanqlu biża'.
Asmaa Mahfouz – 2011, Ir-Rebbiegħa Għarbija, Eġittu
Bis-saħħa tal-posts tagħha fil-midja soċjali b'appelli lill-Eġizzjani biex jipprotestaw b'mod paċifiku favur il-libertà, id-dinjità u d-drittijiet tal-bniedem, Asmaa Mahfouz għenet biex ingħata bidu għall-moviment revoluzzjonarju fl-Eġittu.
Nixtieq ngħidilkom kemm jien kburi bil-martri kollha tar-rivoluzzjoni Għarbija. Mhux se nittraduhom, se nsegwu din it-triq.
Ahmed El Senussi – 2011, Ir-Rebbiegħa Għarbija, Libja
Ahmed al-Senussi jopponi l-oppressjoni tad-dittatura militari, u jirsisti favur ir-rikonċiljazzjoni inklużiva bħala l-unika triq li tista' twassal għall-paċi u d-demokrazija fil-Libja.
Razan Zaitouneh - 2011, "Ir-Rebbiegħa Għarbija", is-Sirja
Il-ġurnalista u avukat Razan Zaitouneh iddenunzjat il-ksur tad-drittijiet tal-bniedem fis-Sirja. Il-ġlieda tagħha favur il-libertà u d-demokrazija wasslet għall-ħtif tagħha fl-2013.