Dwarna

Aħna naqsmu u nippromwovu dan il-wirt biex jintuża u jitgawda minn kulħadd għat-tagħlim, għax-xogħol, jew sempliċement għad-divertiment.

Europeana tipprovdi lill-entużjasti tal-wirt kulturali, lill-professjonisti, lill-għalliema u lir-riċerkaturi b'aċċess diġitali għall-materjal tal-wirt kulturali Ewropew. Għaliex? Biex nispiraw u ninfurmaw b'perspettivi ġodda u niftħu konverżazzjonijiet dwar l-istorja u l-kultura tagħna. Biex naqsmu u ngawdu l-wirt kulturali għani tagħna. Biex nużawh sabiex noħolqu affarijiet ġodda.

Nagħtuk aċċess għal miljuni ta' oġġetti ta' wirt kulturali minn istituzzjonijiet mal-Ewropa kollha. Skopri xogħlijiet tal-arti, kotba, mużika, u vidjos dwar l-arti, gazzetti, arkeoloġija, moda, xjenza, sport, u ħafna aktar.

Inħobbu naraw il-modi kreattivi kif tuża dak li ssib f'Europeana, sew jekk huma għalliema li jiżviluppaw riżorsi għal-lezzonijiet, żviluppaturi li jużaw l-API b'sors miftuħ biex jagħmlu l-logħob, jew dawk li jħobbu l-kultura biex joħolqu gifs u jirrakkontaw stejjer.

Aħna niddependu fuq eluf ta' galleriji, libreriji, arkivji, u mużewijiet Ewropej li jaqsmu t-twemmin tagħna li l-aċċess għall-wirt kulturali huwa trasformazzjonali - isaħħaħ il-pożizzjoni tan-nies u jibbenefika lis-soċjetà b'mod ġenerali.

Bis-saħħa tad-dedikazzjoni tagħhom biex joffru l-kollezzjonijiet online u r-rieda tagħhom li jaqsmu ma' oħrajn, aħna nistgħu noffru din il-kollezzjoni vasta u diversa tal-wirt kulturali affidabbli Ewropew lil kulħadd.

Aħna nuru materjal tal-wirt kulturali minn madwar 3,700 istituzzjoni differenti - iżda ma naħdmux ma' kull waħda minnhom individwalment. Minflok, netwerk ta' msieħba tal-aggregazzjoni jiġbru d-data, jiċċekkjawha bir-reqqa, u jarrikkuha b'informazzjoni bħall-ġeolokalizzazzjoni, jew jillinkjawha ma' materjal ieħor jew settijiet tad-data permezz ta' persuni, postijiet, jew temi assoċjati.

Għal sħubiji u informazzjoni dwar kif Europeana ssaħħaħ il-pożizzjoni tas-settur tal-wirt kulturali fit-trasformazzjoni diġitali tiegħu, żur is-sit l-ieħor tagħna għall-professjonisti Europeana Pro.

Sir Pro (tiftaħ fit-tieqa l-ġdida)