Fid-9 ta' Mejju 1950, f'kuntest internazzjonali ta' Gwerra Bierda, id-dikjarazzjoni ta' Robert Schuman tefgħet il-pedamenti għall-kostruzzjoni tal-Ewropa Komunitarja. L-ambizzjoni tal-Ministru Franċiż għall-Affarijiet Barranin kienet fil-fatt li jwaqqaf organizzazzjoni sovranazzjonali ġdida biex bejn Franza u l-Ġermanja jinħoloq suq komuni tal-faħam u l-azzar, miftuħ għall-pajjiżi Ewropej l-oħra. Din kienet se tkun il-Komunità Ewropea tal-Faħam u l-Azzar (KEFA). Mill-1985, Jum l-Ewropa jiġi ċċelebrat kull sena fid-9 ta' Mejju.